В Атырау -10 
Әзербайжан сыртқы істер министрлігі Ресей СІМ ресми өкілі Мария Захарованың соңғы брифингтегі сөздеріне наразылық білдірді.
Захарова Армения премьер-министрі Никол Пашинянның дін қызметкерлеріне қатысты айтқан пікіріне жауап бере отырып, тақырыпқа еш қатысы жоқ жағдайда Әзербайжанның жалпыұлттық көшбасшысы Гейдар Әлиевтің есімін атаған. Әзербайжан тарапы мұны «қабылдауға болмайтын әрекет» деп бағалады.
«Гейдар Әлиевтің есімін осындай контексте қолдану оның мұрасына және әзербайжан халқына құрметсіздік болып табылады. Мұндай сөздер ресми өкілден күтілетін стандарттарға сәйкес келмейді», – делінген министрліктің мәлімдемесінде.
Әзербайжан СІМ дипломатия тәртіпті, дәлдікті және жауапкершілікті талап ететінін, ал негізсіз мәлімдемелер керісінше шиеленісті күшейтіп, сенімге нұқсан келтіретінін атап өтті.
«Бұл мәлімдемеге қатысты ресейлік тараптан түсініктеме күтеміз», – деп қорытындылады ведомство.