«Атырау» ФК ​бірнеше ойыншымен қоштасуы мүмкін

Қазақстан премьер-лигасының алғашқы турларынан кейін «Атырау» футбол клубы құрамда өзгерістер енгізуді қарастыруда.

Дереккөздердің мәліметінше, бас бапкер Владимир Чебурин үшінші турдан кейін бірқатар ойыншымен қоштасу туралы шешім қабылдаған.

Кетуі ықтимал футболшылар қатарында қысқы маусымаралықта командаға қосылған шабуылшы Абылайхан Жұмабек бар. Сондай-ақ Сослан Такулов пен Дмитрий Яшиннің де клубтан кетуі мүмкін екені айтылуда.

Сонымен бірге «Атырау» құрамды күшейту мақсатында жақын күндері үш-төрт жаңа ойыншыны қатарға қоспақ.

Үш турдан кейін команда үш ұпай жинап, Қазақстан чемпионатының турнирлік кестесінде тоғызыншы орында тұр.