В Атырау -10 
Атырау тұрғыны ұзақ мерзімге бас бостандығынан айырылып қана қоймай, мемлекетке 296 миллион теңге көлемінде шығынды өтеуге міндеттелді.
Сот материалдарына сәйкес, 2025 жылдың 9 қыркүйегінде ол Исатай ауданына жоғалған жылқыларын іздеуге барған. Оның айтуынша, Зинеден ауылы маңында, әрі қарай теңізге қарай бара жатқанда қайықта отырған бірнеше адамды көрген. Беттерін балаклавамен жапқан олардың бірі оған бекіре балығын сатып алуды ұсынған.
500 келі үшін баға шамамен миллион теңгеге шыққан, ақырында 960 мың теңгеге келісілген. Бұл шамамен жүзден астам балық болған. Ер адам оларды көліктің жүк салғышына тиеп, Атырауға үйіне қайтқан.
Қалаға келген соң, көлікті Балауса ықшамауданындағы туысының гаражына қойған.
Сол күні-ақ үйге тінту жүргізілген...
Кейінгі сараптама бұл балықтардың сирек кездесетін, аулауға тыйым салынған түрлер екенін растады. Мемлекетке келтірілген шығын 296 миллион теңгеден асады деп бағаланды. Сот ер адамды кінәлі деп танып, жеті жыл бас бостандығынан айыру жазасын тағайындады.
Ал балықты сатып алған маска киген адамдар бұл іс аясында анықталмаған. Оған қалайша соншалықты тез жеткендері де іс материалдарында ашып көрсетілмеген.
Анастасия ШЕРСТЯНКИНА