В Атырау +7.3 
Қазақстан мұсылмандары діни басқармасы Ораза айт мейрамына арналған айт намазының кестесін жариялады.
2026 жылы айт мерекесі жұма, 20 наурызға сәйкес келеді, ал 19 наурыз – Рамазан айындағы оразаның соңғы күні.
Жарияланған кестеге сәйкес, айт намазының басталу уақыты өңірлер бойынша төмендегідей бөлінген:
Сағат 07:00-де: Алматы қаласы, Алматы, Шығыс Қазақстан және Павлодар облыстары, сондай-ақ Абай және Жетісу облыстары.
Сағат 07:15-те: Астана, Шымкент қалалары, Ақмола, Жамбыл, Қарағанды, Солтүстік Қазақстан және Түркістан облыстары.
Сағат 07:30-да: Ұлытау, Қостанай және Қызылорда облыстары.
Сағат 08:30-да: Атырау, Ақтөбе, Батыс Қазақстан және Маңғыстау облыстары.
Сонымен, Атырау облысында Ораза айт намазы 20 наурыз сағат 08:30-да оқылады.
Бұдан бөлек, биыл Қазақстан мұсылмандары Құрбан айт мерекесін 27–29 мамыр аралығында атап өтеді.