Brent бағасы $102,74-ке дейін көтерілді

103 рет қаралды

17 наурыз таңертең мұнай бағасы өсім көрсетті. Инвесторлар Таяу Шығыстағы жағдайды бағалап жатыр, деп хабарлайды INTERFAX.

Лондондағы ICE Futures биржасында мамырлық Brent фьючерстері $2,53 (2,52%) қымбаттап, барреліне $102,74 болды. Ал дүйсенбіде Brent $2,93 (2,84%) арзандап, $100,21-ге түскен еді.

WTI мұнайы да қымбаттады: Нью-Йорктегі NYMEX электрондық саудасында сәуірлік келісімшарттар $2,02 (2,16%) өсіп, барреліне $95,52 жетті. Бұған дейінгі сессияда WTI $5,21 (5,28%) арзандап, $93,50 болған.

Ормуз бұғазындағы жағдай нарыққа әсер етуде. Бірнеше танкер өткенімен, артерия әлі толық ашылған жоқ. АҚШ одақтастары әскери кемелер жіберуден бас тартты, бұл үшін Дональд Трамп оларды сынға алды.

Reuters дерегінше, бұғаздың жабылуы ОПЕК мүшесі БАӘ-ні өндірісті жартысына қысқартуға мәжбүр етті. Ал Вашингтон мұнайдың алғашқы партиясын стратегиялық резервтен шығаруға дайындалып жатыр.

Бүгін, 14:35

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.