В Атырау -10 
АҚШ Президенті Дональд Трамп Ормуз бұғазындағы жағдайға байланысты маңызды шешімдерді алдын ала дайындалған жоспарсыз қабылдауда. Бұл туралы The Wall Street Journal басылымы шолушы Боян Панчевскиге сілтеме жасап жазды.
Журналистің пікірінше, Иранмен қақтығыс ушыққан тұста Ақ үйдің іс-әрекеттері кездейсоқ сипат алуда. Мысалы, АҚШ-тың стратегиялық мұнай резервтерін пайдалану мәселесінде әкімшілік бастапқыда оларды қолдануды жоспарламаған, бірақ Трамп бірнеше сағаттың ішінде өз ұстанымын өзгерткен.
Панчевскидің пайымдауынша, бағыттың мұндай шұғыл өзгеруі Тегеран Ормуз бұғазын толығымен жауып тастаған жағдайда Вашингтонның оқиғаның мұндай өрбіуіне дайын болмай шығуы мүмкін екенін көрсетеді.
АҚШ үшін қандай қиындықтар бар?
Журналист американдық әскерилердің президентке тәуекелдер туралы алдын ала ескерткенін атап өтті. Олардың бағалауынша, Иран аймақтағы кеме қатынасын келесі әдістермен тоқтата алады:
- Теңіз миналары;
- Дрондар тобы (беспилотниктер);
- Жылдам әрі шағын катерлер.
Мұндай «асимметриялық соғыс» тәсіліне қарсы тұру АҚШ-тың қуатты Әскери-теңіз флоты үшін де үлкен сынақ болмақ.
Сонымен қатар, мақала авторы АҚШ-тың ирандық нысандарға жасаған жуырдағы нүктелі операциясы жоғары дәлдікпен орындалғанын мойындайды. Алайда әлемдік мұнай тасымалының күретамыры саналатын бұғаздағы қауіпсіздік мәселесі әлі де ашық күйінде қалып отыр.
Қысым көрсету әрекеті
Сарапшылардың пікірінше, Иран мұнайы экспортының негізгі хабы — Харк аралына жасалған соққылар Трамптың Тегеранды бұғазды бұғаттаудан бас тартуға мәжбүрлеу әрекеті болды. Дегенмен, Вашингтонда жүйелі жоспардың болмауы халықаралық бақылаушылардың алаңдаушылығын туғызуда.
Естеріңізге сала кетейік, 2026 жылдың ақпан айының соңында АҚШ, Израиль және Иран арасындағы соққылар алмасқаннан кейін аймақтағы жағдай күрт ушығып, әлемдік мұнай бағасы барреліне 100 доллардан асып кеткен болатын.