​«Оскар-2026»: әлемдегі ең негізгі кинопремия жеңімпаздары анықталды

Лос-Анджелесте «Оскар» сыйлығын тапсырудың 98-ші салтанатты рәсімі аяқталды. Кештің басты кейіпкері режиссер Пол Томас Андерсон болды, оның жаңа туындысы киноакадемияның негізгі марапаттарын жинап алды.

«Долби» театрында өткен салтанатты шараны комик Конан О’Брайен жүргізді. «Үздік фильм» номинациясында бас жүлдені күтілгендей «Битва за битвой» драмасы жеңіп алды. Пол Томас Андерсон сондай-ақ үздік режиссер деп танылып, үздік бейімделген сценарий үшін мүсіншені иеленді.

Негізгі лауреаттар тізімі:

Биылғы актерлік номинацияларда айтарлықтай сенсация болған жоқ, марапаттарды маусымның фавориттері иеленді:

• Үздік актер: Майкл Б. Джордан («Грешники»);
• Үздік актриса: Джесси Бакли («Гамнет»);
• Екінші пландағы үздік актер: Шон Пенн («Битва за битвой»);
• Екінші пландағы үздік актриса: Эми Мэдиган («Орудия»).

Техникалық номинациялар мен анимация:

Джеймс Кэмеронның «Аватар: Огонь и пепел» блокбастері болжанғандай үздік визуалды эффектілер үшін марапатты алды. Үздік анимациялық фильм болып «Кей-поп охотницы на демонов» жобасы танылды, ал «Үздік шетелдік фильм» санатында норвегиялық «Сентиментальная ценность» лентасы жеңіске жетті.

Сыншылардың ерекше назарын «Грешники» фильміне үздік саундтрек жазғаны үшін кезекті «Оскарын» алған Людвиг Горанссон аударды. Үздік деректі фильм ретінде «Мистер Никто против Путина» жұмысы танылды.

Дәстүр бойынша кеш барысында өткен жылы өмірден өткен кино өнері қайраткерлері бір минуттық үнсіздікпен еске алынды.