​Қазақстанда отбасы мәселелері жөніндегі уәкіл тағайындалды​

Мемлекет басшысының өкімімен Снежанна Имашева Қазақстан Республикасындағы Отбасы мәселелері жөніндегі уәкіл болып тағайындалды. 

Одан бөлек ол ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссиясы төрағасының орынбасары қызметін қоса атқарады. 

«Мемлекет басшысының өкімімен Снежанна Валерьевна Имашева Қазақстан Республикасындағы Отбасы мәселелері жөніндегі уәкіл – Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссиясы төрағасының орынбасары болып тағайындалды», - делінген ресми хабарламада.

Снежанна Имашева бұған дейін бірнеше шақырылымдағы Парламент Мәжілісінің депутаты болды, онда Заңнама және сот-құқықтық реформа комитетін басқарды. Ол әйел құқығын қорғауға және балалардың қауіпсіздігін қамтамасыз етуге қатысты заңдарды әзірлеуге белсенді қатысты.