АҚШ стратегиялық мұнай қорынан 172 млн баррельді босатады

АҚШ энергетика министрлігі стратегиялық мұнай қорынан 172 млн баррель мұнайды нарыққа шығару туралы шешім қабылдады, деп хабарлайды INTERFAX.

Министр Крис Райттың айтуынша, президент Дональд Трамп бұл қадамға рұқсат берген.

Негізгі деректер:

• Мұнайды босату келесі аптадан басталады.
• Жоспарланған қарқынға сәйкес, жеткізу процесі шамамен 120 күнге созылады.
• Бұл бастама АҚШ-тың энергетикалық қауіпсіздігін қорғауға бағытталған.

Трамп бұған дейін стратегиялық қордағы мұнайды пайдалану арқылы нарықтағы бағаны төмендетуді көздейтінін мәлімдеген. Оның сөзінше, кейін қоймалар қайтадан толтырылады.