Ирак толықтай жарықсыз қалды

Ирактың барлық провинцияларында ұлттық энергетикалық жүйенің толық істен шығуы салдарынан электр жарығы өшті, деп хабарлайды АА.

Энергетика министрлігінің мәліметінше, апаттың себебін анықтау үшін арнайы тергеу басталды. Қазір электр станцияларын және істен шыққан желілерді қайта іске қосу жұмыстары жүргізілуде.

Электр энергиясы жоқ аудандарда халық жеке кварталдық генераторларды пайдаланып отыр. Олар жарықты ақылы түрде қамтамасыз етуде.

Бұл оқиға елдегі энергетикалық инфрақұрылымның әлсіздігін көрсетіп, қоғамда үлкен алаңдаушылық туғызды.