В Атырау -10 
Парсы шығанағындағы шиеленіс әлемдік алюминий бағасының күрт өсуіне әкелді. Металл бағамдары 2022 жылғы ең жоғары көрсеткіштерге жақындады, деп хабарлайды Metals&ЕSG Trends.kz телеграм-арнасы.
Бір апта ішінде алюминий бағасы 5,7 пайызға өсіп, тоннасына 3 352 долларға жетті. Сарапшылар бағаның 3,4 мың долларға дейін жетуге жақын екенін айтады, бұл төрт жыл бұрынғы рекордқа тең (3,9 мың доллар).
Раллидің басты себебі – көлік артерияларының бұғатталуы. Ормуз бұғазы іс жүзінде жабық, ал аймақ елдерінен металлдың негізгі экспорты дәл осы жер арқылы өтеді.
Нарық жеткізілімдегі ауқымды үзілістерден қатты қауіптенеді. Парсы шығанағы - аллюминий өндіру бойынша әлемдегі ең ірі хабтардың бірі. Аймақ жыл сайын әлемдік нарыққа миллиондаған тонна өнім жеткізеді.
Аймақтағы өндіріс көлемі бойынша анықтама:
- БАӘ: жылына шамамен 2,7 миллион тонна;
- Бахрейн: шамамен 1,6 миллион тонна;
- Сауд Арабиясы, Катар және Оман: барлығы 900 мың тоннаға дейін.
Сарапшылар қақтығыстың өршуі мұнай бағасына ғана емес, сонымен қатар бүкіл өнеркәсіп жүйесіне әсер ететінін, бұл болашақта бүкіл әлем бойынша авиақұрылыстағы, құрылыстағы және қаптама өндірісіндегі өнімнің қымбаттауына әкелуі мүмкін екенін атап өтті.