​Иран Ормуз бұғазындағы мұнай танкерлеріне соққы жасалғанын мәлімдеді

Тегеран АҚШ пен Израильдің шабуылдары басталғаннан кейін және Ормуз бұғазы арқылы «өтуге тыйым салынғаны» жарияланған соң, 10-нан астам мұнай танкері зақымданғанын хабарлады.

Ислам революциясының сақшылар корпусы (ИРСК) дерегінше, ескертулерге қарамастан бұғаздан өтуге тырысқан танкерлер әртүрлі оқ-дәрілермен атқыланып, істен шыққан.

Мәлімдемеде Ормуз бұғазы соғыс жағдайында екені, кемелерге зымырандар немесе басқарылмайтын дрондардан зиян келуі мүмкін екені айтылып, осы аймақтан өтпеу ұсынылған.

Бұған дейін Иран әскери-теңіз күштері АҚШ пен Израильдің шабуылдарына байланысты Ормуз бұғазынан өтуді жабық деп жариялаған болатын.