В Атырау -10 
Каспийдегі ірі мұнай-газ жобаларына қатысты экологиялық міндеттемелердің ашықтығы мәселесі Қазақстан шегінен шығып, халықаралық деңгейде қарала бастады.
Орхус конвенциясы бойынша БҰҰ комитеті Save the Caspian қозғалысының өтінішін қабылдап, Теңіз, Қашаған және Қарашығанақ жобаларына қатысты өнімді бөлу туралы келісімдердегі экологиялық бөлімдерге қолжетімділік мәселесін қарауға кірісті.
Кампанияның негізін қалаушы, экология және климат жөніндегі сарапшы Вадим Ни атап өткендей, бір жыл бұрын энергетика министрлігіне ресми сұрау жолданғанымен, ведомство экологиялық шарттарды жария етуден бас тартқан. Соттар да министрліктің ұстанымын қолдаған. Осыдан кейін белсенділер халықаралық механизмдерге жүгінуге мәжбүр болды.
Қазақстан Орхус конвенциясына 25 жылдан астам уақыт бұрын қосылған, ал ол құжат қоғамға экологиялық ақпаратқа қол жеткізу және экологиялық мәселелер бойынша әділдікке жүгіну құқығын бекітеді. Комитеттің өтінішті қарауға қабылдауы шешім шығаруды білдірмейді, бірақ тараптардың уәждері мен үкіметтің ұстанымы зерттелгеннен кейін ұсыныстар берілуі мүмкін.
Атырау облысы үшін бұл тақырып ерекше маңызды. Өңірде ауа сапасы, иіс пен шығарындыларға қатысты шағымдар жиі түседі. Ал халықаралық компаниялардың экологиялық міндеттемелері қоғам үшін әлі де жабық күйінде қалып отыр.
«Біз бұл құжаттарда не жазылғанын білуге құқылымыз», – дейді Вадим Ни.