В Атырау -10 
Қырғызстан Министрлер кабинеті «Қырғыз спутник» мемлекеттік ғарыш компаниясын құрды.
Тиісті қаулыға 2026 жылдың 23 ақпанында қол қойылды.
Компания 100% мемлекеттік қатысумен құрылады. Жарғылық капиталы 100 мың сомды құрайды - әрқайсысының номиналды құны 1 мың сомнан 100 акция. Мемлекет атынан құрылтайшы болып Су ресурстары, ауыл шаруашылығы және қайта өңдеу өнеркәсібі министрлігі шығады.
"Қырғыз спутник" АҚ ғарыш технологияларын енгізумен және аэроғарыштық суреттерді алумен айналысатын болады. Мәліметтер жер ресурстарын есепке алу, экологиялық және климаттық жағдайды бақылау, жер қойнауын барлау, сондай-ақ төтенше жағдайлардың алдын алу үшін пайдаланылады деп жоспарланып отыр.
Ыстықкөл облысында компания объектілерін орналастыру үшін жер учаскесін бөлу жоспарланған. Жарғылық капиталды қаржыландыруды Қаржы министрлігі мемлекеттік бюджет қаражаты есебінен қамтамасыз етеді.