«Эпштейн файлдары»: депутат Бас прокурор мен ҰҚК-ге сауал жолдады

Мәжілістегі ЖСДП фракциясының жетекшісі Асхат Рахимжанов Бас прокурор Берік Асылов пен Ұлттық қауіпсіздік комитетінің төрағасы Ермек Сағымбаевқа депутаттық сауал жолдады.

Бұл сауалға себеп – халықаралық деңгейде үлкен резонанс тудырған «Эпштейн файлдарында» Қазақстан азаматтарының аты-жөндерінің аталуы.

Депутат өз сауалында құқық қорғау және арнайы органдардан мүмкін болатын фактілерге заңдық тұрғыдан баға беруді, сондай-ақ ашық дереккөздерде жарияланған ақпараттың шынайылығын тексеруді сұрады.

Сауалдың бастамашыларының пікірінше, егер бұл мәліметтер расталса, қолданыстағы заңнамаға сәйкес тиісті шаралар қабылдануы тиіс.