В Атырау -10 
АҚШ-тың Кедендік және шекаралық бақылау қызметі (CBP) жаһандық импорттық баж салығының күшіне енгенін хабарлады, деп жазады ТАСС.
Мәлімдемеде айтылғандай, 2026 жылғы 24 ақпанда АҚШ-тың шығыс жағалауы уақытымен 00:01-де шетелде өндірілген және АҚШ-қа әкелінген немесе қоймалардан жөнелтілген барлық тауарға 10% мөлшерінде баж салығы енгізілді. Бұл шара 150 күн бойы, яғни 2026 жылғы 24 шілдеге дейін қолданылады.
Ақ үйдің өкілі NBC News телеарнасына берген сұхбатында Вашингтон әкімшілігі импортқа жаһандық баж салығын 15%-ға дейін көтеру туралы жеке жарлық әзірлеп жатқанын айтты, бірақ президент Дональд Трамптың бұл жарлықты қашан қол қоятынын нақтыламады.
Жұма күні Жоғарғы сот халықаралық төтенше жағдайлар кезінде экономикалық өкілеттіктер туралы заңға сүйене отырып, кейбір елдерге қатысты енгізілген импорттық баж салығын өкілеттіктерді асыра пайдалану деп таныды. Осыдан кейін АҚШ президенті барлық елдерден әкелінетін импортқа 10% мөлшерінде баж салығын енгізу туралы жарлыққа қол қойды. Кейін ол бұл баж салығын 15%-ға дейін көтеру ниетін жариялады.