В Атырау -10 
Тергеу деректеріне сәйкес, күдіктілер өздерінде ВИЧ инфекциясы бар екенін білген және 2025 жылдың желтоқсанынан бастап медициналық есепте тұрған. Соған қарамастан, олар транс тұлғалар ретінде ақылы интимдік қызмет көрсетуді жалғастырған.
Бұлар - 23 және 28 жастағы жігіттер. Оларды Атырау облыстық полиция департаментінің ұйымдасқан қылмысқа қарсы күрес басқармасының қызметкерлері ұстаған.
Тергеу болжамына сәйкес, күдіктілердің мұндай әрекеттері басқа адамдарды ВИЧ-инфекциясына шалдықтыруы мүмкін болған.
- Аталған дерек бойынша өзінде бұл аурудың бар екенін біле тұра, басқа адамға АИТВ инфекциясын жұқтыру фактісі бойынша қылмыстық іс қозғалды. Азаматтардың өмірі мен денсаулығына қасақана қауіп төндіру — ауыр қылмыс болып табылады, - деп хабарлады полиция.
Қазіргі уақытта күдіктілер уақытша ұстау изоляторына қамалды. Бұл дерек бойынша қылмыстық іс қозғалды. ҚР заңнамасына сәйкес, мұндай әрекеттер үшін 5 жылдан 10 жылға дейін бас бостандығынан айыру жазасы қарастырылған.
Полиция қажетті тергеу әрекеттерін жүргізіп, ықтимал жәбірленушілерді анықтап жатыр. Тергеу жалғасуда.
Қазіргі уақытта қажетті тергеу шаралары жүргізілуде, жәбірленушілердің шеңбері анықталуда.
– Әрбір факт бойынша құқықтық баға беріледі. Әрбір кінәлі тұлға заң алдында толық жауап береді, – деп мәлімдеді полицияда.
Айнұр САПАРОВА