Атырау тұрғыны Ақтау әуежайына кастет алып өтпек болды

Қаңтар айында 41 жастағы Атырау тұрғыны Ақтау әуежайында тексеріс кезінде ұсталды. Сканер оның қара сөмкесінен кастет анықтады. Ол заң бойынша суық қару саналады, деп хабарлайды Lada.kz.

Полиция қаруды тәркілеп, ҚР ҚК‑нің 287-бабы 1-бөлігі бойынша (қару-жарақты заңсыз сақтау, алып жүру және тасымалдау) хаттама толтырды.

Іс Ақтау қалалық сотында қаралды. Әйел өз кінәсін мойындады, бұл жеңілдететін жағдай ретінде есептелді. Қатаңдататын мән-жайлар анықталған жоқ.

Сот шешімі бойынша оған 20 АЕК көлемінде айыппұл (86 500 теңге) салынды. Сонымен қатар, 21 625 теңге Құрбандарға өтемақы қорына өндірілді.