​Атырауда қай жердегі жолдарға асфальт төселеді

Қала әкімдігі 2026 жылы автомобиль жолдарын салу және жөндеу жоспарын жариялады.

Ведомство дерегінше, облыс орталығының көшелерінде жалпы көлемі 50 мың шаршы метрден астам жерде ағымдағы шұңқыр жөндеу жұмыстары жүргізіледі. Орташа жөндеу жұмыстары Азаттық даңғылында, Махамбет және Абай көшелерін қамтиды. Жаңа автожолдар Береке, Атырау, Өркен, Самал ықшам аудандарында, сондай-ақ Қаженбаев және Досмұхамедов көшелерінде салынады.

Сонымен қатар, жаңа жол жабыны Бейбарыс даңғылын Атырау – Астрахань трассасымен байланыстырады. Кіру жолдары №5 сүзгі станциясына және оң жағалаудағы кәріз-тазарту құрылыстарына жүргізіледі.

Реконструкция жұмыстары жоспарланған бағыттар:

• Говоров көшесі (С.Датовтан Қабдоловқа дейін), Қожакаев, Бигелдинов, Гагарин, Сәтпаев, Байтұрсынов көшелері, Студенттер даңғылы;
• Тайманов көшесіндегі айналма жолдан Сарөзекке дейінгі учаске;
• Әбілқайыр хан даңғылынан Нұрсая ықшам ауданындағы №11 көшеден Маденов көшесіне дейінгі учаске;
• Әбілқайыр хан даңғылынан Сарықамыс ықшам ауданы арқылы Жастар көшесіне дейінгі учаске;
• Жастар көшесінен Еркінқала ауылына дейінгі жол;
• Атырау – Индер трассасы (0–10 км).

Лев ГУЗИКОВ