Қазақстанда жүргізушісіз көліктер сынақтан өткізіледі

ҚР Жасанды интеллект және цифрлық даму министрлігі автономды көлік саласында пилоттық жобалардың іске қосылғанын хабарлады.

Қалалық мобильдік пен логистика бағытында бірқатар инновациялық жобаларды жүзеге асыру көзделіп отыр. Атап айтқанда, Алматы және Астана қалаларында, сондай-ақ Ақмола облысының аумағында пилоттық режимде жүргізушісіз такси жобаларын іске қосу жоспарланды.  

Ведомстводағылар атап өткендей, ұзақ мерзімде қарастырғанда бұл бағыт цифрлық экономиканың жаңа сегментін қалыптастырып, бюджетке қосымша қаражат әкелуге мүмкіндік береді.