В Атырау -10 
Қазақстандық дін қызметшісі, Орыс православ шіркеуінің бұрынғы өкілі Иаков Воронцов әкімшілік сот шешімімен 10 тәулікке қамалды. Оның адвокаты Ғалым Нұрпейісовтің айтуынша, Воронцов тағылған айыппен келіспеген және сот қаулысына шағым түсіруді жоспарлап отыр, деп хабарлайды Азаттық.
Воронцовқа 440-1 бап бойынша («Есірткі және психотропты заттарды медициналық емес мақсатта пайдалану») әкімшілік хаттама толтырылған.
Алматы полициясы одан ұнтақ тәркіленгенін және есірткі қолданғанын медициналық құжатпен дәлелдегенін хабарлады. Сонымен қатар «есірткі заттарын тұтыну үшін орын ұйымдастыру» дерегі бойынша қылмыстық іс қозғалған.
Воронцов қазақ тілінде діни қызмет жүргізіп танылған. Ол Украинадағы соғысты қолдаған Орыс православ шіркеуінің ұстанымын сынап, әлеуметтік желіде пікір білдірген.
2023 жылы маусымда шіркеудегі қызметін аяқтаған, ал 2024 жылы оған қарсы «конфессияаралық алауыздық қоздыру» бабы бойынша іс қозғалғанымен, кейін тоқтатылған.
Жақында ол Алматы әкімшілік сотына әділет министрлігі мен қалалық әділет департаментін «діни бірлестігін тіркеуден бас тартқаны үшін» сотқа берген.
Иаков Воронцов 10 тәулікке қамалды, ал оның ісі діни және саяси көзқарастарымен байланысты деген пікірлер айтылуда.