Қарағандыда туысының алтын бұйымын ұрлаған күдіктіге қылмыстық іс қозғалды

112 рет қаралды

Қарағанды қаласының Жаңа Майқұдық полиция бөліміне 47 жастағы тұрғын арызданды. Оның айтуынша, пәтерінен жалпы құны 600 мың теңге болатын алтын бұйым жоғалып кеткен, деп хабарлайды POLISIA.KZ.

Жедел-іздестіру шаралары барысында күдіктінің жеке басы анықталды. Белгілі болғандай, ұрлық жасады деген күдік арызданушының 19 жастағы сіңлісіне қатысты болды. Бұл жәбірленуші үшін күтпеген жағдай еді.

Күдікті кінәсін мойындап, ұрланған бұйымды жергілікті ломбардқа өткізіп үлгергені белгілі болды. Полицейлер кепілдік түбіртектері негізінде зергерлік бұйымдарды тауып, тәркіледі.

Қазіргі таңда айғақ заттар қылмыстық іс материалдарына тіркелді. Аталған дерек бойынша қылмыстық іс қозғалып, тергеу амалдары жүргізілуде.

Бүгін, 15:29

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.