​«Атырау» ФК өз алаңындағы ойындары «Түркістан Аренада» өтеді

«Атырау» футбол клубы Қазақстан Премьер-лигасының жаңа маусымындағы алғашқы өз алаңындағы ойындарын өз қаласынан тыс жерде өткізеді, деп хабарлады спорт журналисі Эльдар Аманбаев.

Себебі, клубтың «Мұнайшы» стадионында, сондай-ақ «Судоремонтник» жаттығу базасында қайта жаңғырту жұмыстары жоспарланған.

Жөндеу жұмыстарының басталуына байланысты команда қарсыластарын «Түркістан Арена» стадионында қабылдайды. Сондықтан «Атыраудың»  Қазақстан чемпионатының алғашқы өз алаңындағы ойындары Түркістанда өтеді.

Қайта жаңғырту жұмыстарының аяқталу мерзімі және команданың өз алаңына қайта оралуы туралы қосымша хабарланады.