В Атырау -10 
Қазақстанның бұрынғы бірінші ханымы Сара Назарбаева Ұлттық госпитальдан (Президент істері басқармасының медициналық орталығы, «Совминка» деп белгілі) шығарылды.
Бұл туралы Informburo.kz редакциясының ресми сұрауына жауап берген медициналық мекеме әкімшілігі хабарлады.
Анықталғандай, 84 жастағы Назарбаева 2025 жылдың сәуірінен бастап стационарлық ем қабылдап келген. Ол 2026 жылдың қаңтарында амбулаторлық бақылауға жіберіліп, ауруханадан шығарылды.
Бұған дейін Қазақстанның тұңғыш президенті Нұрсұлтан Назарбаевтың баспасөз хатшысы Айдос Үкібай Сара Назарбаеваның 2025 жылдың сәуірінде госпитализацияланғанын хабарлаған еді. Сол кезеңде БАҚ пен әлеуметтік желілерде оның денсаулығы мен қай жерде екені туралы әртүрлі, кейде қарама-қайшы ақпарат тараған болатын.
Клиника өкілдері диагноз бен емдеу әдістері туралы мәліметтер жарияланбайтынын ерекше атап өтті.
«Пациент госпитальда ем қабылдады және қаңтар айында амбулаторлық емге шығарылды. Денсаулық жағдайы, диагнозы, емдеу әдістері мен нәтижелері туралы ақпарат халық денсаулығы туралы кодекстің 273-бабына сәйкес дәрігерлік құпияға жатады және жарияланбайды», – делінген Президент істері басқармасының медициналық орталығының әкімшілігі берген жауапта.
Осылайша, Сара Назарбаева медициналық мекемеде шамамен он ай уақыт өткізді.