​2026 жылғы Олимпиаданың ашылуы: трансляцияны қайдан және қашан көруге болады?

Бүгін, 6 ақпанда XXV қысқы Олимпиада ойындарының салтанатты ашылу рәсімі өтеді. Шара Миландағы Сан-Сиро стадионында өтеді.

Астана уақыты бойынша рәсім 23:55-те басталады және Qazaqstan, Qazsport, "Хабар" және Jibek Joly телеарналарында тікелей эфирде көрсетіледі.

Ұлттық құрамалардың шеруі кезінде Қазақстанның мемлекеттік туын мыналар алып жүреді:

• Денис Никиша (шорт-трек),
• Аяулым Әмренова (фристайл-могул).

Рәсімнің ерекшелігі - ол бірден төрт жерде өтеді: Денис Миланда, ал Аяулым шаңғы жарыстары өтетін Ливиньода болады. Рәсімнің атауы - Armonia ("Гармония").

Олимпиада тарихында алғаш рет Олимпиада оты екі жерде жағылады:

• Миландағы Триумфалды аркада,
• Кортина-д'Ампеццодағы Piazza Dibona алаңында.

Милан-Кортина Олимпиадасында Қазақстанның атынан 10 спорт түрінен 36 спортшы (18 ер және 18 әйел) қатысады. Ойындарға барлығы 93 елден 3000-ға жуық спортшы қатысады, олар бағдарламаның 16 түрінен 116 медаль жиынтығын сарапқа салады. Олимпиада 22 ақпанда аяқталады.

Қазақстандық спортшылардың қатысуымен өтетін барлық жарыстар Qazaqstan, Qazsport, "Хабар" және Jibek Joly арналарында тікелей эфирде көрсетіледі.