В Атырау -10 
Украина Қарулы күштерінің Бас штабы қаңтар айында Ресейдің Астрахан облысында орналасқан Капустин Яр полигонына бірнеше соққы жасалғанын хабарлады. Бұл туралы Би-би-си жазды.
Украин тараптың мәліметінше, соққылар ангар типіндегі ғимараттарға бағытталған. Онда орта қашықтықтағы баллистикалық зымырандардың ұшуға дайындық жұмыстары жүргізілген. Шабуылдар украин өндірісіндегі алыс қашықтыққа арналған қарулармен, соның ішінде FP-5 («Фламинго») зымыранымен жасалғаны айтылды.
Бас штабтың дерегіне сәйкес, соққы нәтижесінде бірқатар нысандар әртүрлі деңгейде зақымданған. Бір ангар елеулі түрде бүлініп, жеке құрамның бір бөлігі эвакуацияланған.
Ресей тарапы әзірге Украина Генштабының бұл мәлімдемесіне ресми түсініктеме берген жоқ.
Бүгін, 19:48