В Атырау -10 
Қаңтар айындағы рейдтер мен профилактикалық шаралардың қорытындысын патрульдік полиция жариялады.
Автожолдарда жүргізілген тексерістер барысында заңсыз жүк тасымалдау және жол қозғалысы ережелерін бұзу деректері тіркелді.
19 қаңтарда Кульсары – Бейнеу трассасының 121-шақырымында тоқтатылған «Газель» көлігінен құжатсыз аккумуляторлар табылып, Жылыой аудандық полиция басқармасына жеткізілді.
23–25 қаңтар аралығында «Қауіпсіз жол» акциясы кезінде Доссор – Құлсары жолында жүргізуші тиісті санатсыз «Газель» көлігін басқарғаны анықталды. Ол бойынша әкімшілік хаттама толтырылып, көлік айып тұрағына қойылды.
«Скотокрадство» республикалық шарасы аясында да заңсыз мал тасымалдау деректері тіркелді: Toyota Hilux көлігінен төрт қой, ал «Газельден» үш түйе құжатсыз шықты. Барлық материалдар Жылыой аудандық полициясына жолданды.
30 қаңтарда тағы да екі көліктен – Toyota Estima және Toyota Camry – құжатсыз балық өнімдері мен жылқы еті табылып, тәркіленді.
Полиция жүргізушілерді заң талаптарын сақтауға, жүк пен малды тек тиісті құжаттармен тасымалдауға шақырады.