В Атырау -10 
Атырау облысындағы Қаратон Подсолевой учаскесінің терең іздеу ұңғымасында алғашқы оң нәтижелер алынды. Сынақ барысында фонтанды газ тіркелді, бұл тереңдегі көкжиектерде көмірсутектердің бар екенін растайды.
Қазмұнайгаз компаниясы хабарлағандай, Атырау облысындағы Қаратон Подсолевой учаскесінде терең іздеу ұңғыманың бірінші нысанын сынақтан өткізу кезінде газ ағыны алынды. Алдағы уақытта жұмыс жоспарына сәйкес тағы да төрт перспективті мұнайлы-газды нысанда сынақ жүргізу іс-шаралары көзделген.
Айта кетсек, ұңғыманы бұрғылау 2024 жылдың қарашасында басталып, 2025 жылдың желтоқсан айында 5750 метр тереңдікте аяқталды. Ұңғыманы сынау технологиялық тұрғыдан қиындықтармен қатар жүріп жатыр, соның ішінде тым жоғары қабат қысымы мен күкіртті сутектің болуы.
Қаратон Подсолевой — ҚазМұнайГаздың стратегиялық барлау жобаларының бірі. Ол еліміздің ресурстық қорын толықтыру үшін терең орналасқан көкжиектерді зерттеуге бағытталған. Бірінші нысанның сынақ нәтижелері бұл жерде көмірсутек бар екенін растап отыр.
«Қаратон Подсолевой» жобасы ҚР Үкіметі жер қойнауын пайдалану саласында жүргізген басты реформалардың бірі — Жақсартылған модельдік келісімшарт аясында іске асырылуда. Ол Қазақстанның күрделі кен орындарының инвестициялық тартымдылығын едәуір арттырды. Бұл механизм жер қойнауының күрделі учаскелерін барлау және игеру үшін жағдай жасай отырып, маңызды реттеуші әрі фискалды преференцияларды ұсынады деп атап өтті ҚМГ өкілдері.