В Атырау -10 
Қазақстан Теңіз және Қарашығанақ кен орындарындағы өндірістің уақытша тоқтауына байланысты шамамен 900 мың тонна мұнайды өндіре алмады. Бұл туралы Энергетика министрі Ерлан Ақкенженов Nege.Aqsha-ға хабарлады.
Министрдің айтуынша, шығын көлемі алдын ала есеп болып табылады, себебі Теңіз кен орны әлі толық өндірістік қуатқа шыққан жоқ.
«Қазіргі есеп бойынша бұл шамамен 900 мың тонна», – деді Ақкенженов.
Энергетика министрі Chevron және «Теңізшевройл» басшылығымен келіссөздер жүргізгенін атап өтті. Компаниялар жоғалған көлемді өндіріс қалпына келгеннен кейін мұнай өндіруді арттыру арқылы өтеуді жоспарлап отыр.
Министрлік жылдық есеп бойынша таза шығын болмайды деп күтуде.
Сонымен қатар Ақкенженов Теңіз кен орнының толық тоқтап қалуы жобаның барлық қатысушыларына тәулігіне шамамен 40 миллион доллар шығын әкелетінін айтты. Ал нақты жиынтық шығын өндірістік цикл толық қалпына келгеннен кейін ғана белгілі болады.