В Атырау -10 
Компанияның бас директоры Николай Горбань 20–21 қаңтар күндері жұмыс сапарымен барып, жағалаудағы құрылыстар мен резервуарлар паркін тексерді.
Негізгі назар ВПУ‑3 қондырғысына аударылды. Мұнда 2025 жылдың қарашасынан бері қолайсыз ауа райына қарамастан су астындағы шлангалар мен жүк жүйесінің құбыртүтігі ауыстырылып жатыр.
Сонымен қатар ол ВПУ‑2 қондырғысының жағдайын бақылап шықты. Бұл құрылғы 2025 жылғы 29 қарашада экипажсыз катердің шабуылынан қатты зақымданған болатын. Зақымның сипатына байланысты оны әрі қарай пайдалану мүмкін емес, сондықтан қондырғыны бөлшектеуге дайындау жұмыстары жүргізілуде.
Сапар барысында бас директор терминал қызметкерлері мен мердігер ұйымдардың төтенше жағдайларда әрекет ету дайындығын да тексерді. Қауіпсіз өндіріс мәдениеті мен көшбасшылық қабілеттерді дамытуға қатысты түсіндірме берілді.
Әсіресе ықтимал қауіп туралы дабыл түскен жағдайда қандай қадамдар жасау керектігіне назар аударылды. Мұнда басты басымдық – қызметкерлердің өмірі мен денсаулығын қорғау.
Жалпы қорытынды бойынша теңіз терминалының барлық нысандары мен жабдықтары дұрыс техникалық жағдайда, ал қызметкерлер мен мердігерлер жоғары кәсіби дайындық пен жауапкершілік танытып отыр.