В Атырау -6 
16 қаңтарда таңертең Атырауда Жұлдыз-1 ықшамауданында электр қуаты апатты түрде өшіп қалды. "Атырау Жарық" ЖШС хабарлағандай, бұл жағдай шамамен 06:50-де қала әкімдігінің теңгерімінде тұрған №223/7 трансформаторлық қосалқы станциясындағы ақауға байланысты орын алды.
Бұл қосалқы станция ықшамауданның кварталішілік көшелеріндегі 95 жеке үйді электр энергиясымен қамтамасыз етеді. Ақау анықталғаннан кейін оқиға орнына жөндеу бригадалары мен арнайы техника жіберілді.
Қалпына келтіру жұмыстары қалалық тұрғын үй-коммуналдық шаруашылық бөлімі мен "Атырау Жарық" ЖШС арасындағы қолданыстағы шарт аясында жүргізіліп жатыр. Компанияда жөндеу жұмыстары аяқталғаннан кейін жарық қайта қосылатынын хабарлады.
Бүгін, 10:12