APEC PetroTechnic Қытай колледждерімен жасанды интеллект саласында әріптестік орнатты

Қазақстан мен Қытай арасындағы стратегиялық серіктестікті нығайту мақсатында «APEC PetroTechnic» жоғары колледжі Қытайдың үш оқу орнымен – Zhejiang Business College, Hangzhou Xiaoshan Technical College және Tianjin Bohai Vocational Technical College – ынтымақтастық туралы меморандумға қол қойды.

Ынтымақтастық бағыттары

• Жасанды интеллект элементтерін өндірістік оқыту үдерісіне енгізу.
• Атырау өңірінің мұнай-газ саласына қажетті білікті мамандарды даярлау.
• Студенттер мен оқытушылардың академиялық алмасуын ұйымдастыру.
• Қос дипломды білім беру бағдарламаларын іске қосу.
• Оқытушылардың кәсіби біліктілігін арттыру.
• Халықаралық кәсіби чемпионаттарға бірлесіп дайындалу.

«Бұл бастама білім беру мен өндірісті ұштастырып, болашақта жоғары білікті, заманауи кадрларды даярлауға мүмкіндік береді», – деді колледж директоры Асылбек Нұрмышев.

Жаңа меморандум аймақтық білім беру жүйесін халықаралық деңгейге шығарып, өндірістік салаға қажетті заманауи мамандарды даярлауға жол ашады.