Атыраудағы өрттен екі адам құтқарылды

Атырауда Махамбет Өтемісұлы көшесіндегі бес қабатты тұрғын үйдің төртінші қабатындағы пәтерден өрт шықты.

Құтқарушылар оқиға орнына дер кезінде жетіп, жалынның таралуына жол бермей, баспалдақ арқылы екі адамды қауіпсіз жерге шығарды.

Өрт 6 шаршы метр аумақта сөндірілді. Зардап шеккендер жоқ. Қазір өрттің шығу себебі анықталуда.

Төтенше жағдайлар министрлігі азаматтарды тұрмыста өрт қауіпсіздігі талаптарын қатаң сақтауға шақырады.