В Атырау -4 
Атырау қаласына қарасты Дамбы ауылында Ғаббас Қабышев көшесінде жаңа қоғамдық «Жастар» саябағы пайдалануға берілді.
Бұл нысан ауыл тұрғындары үшін ашылып, жайлы қала ортасын дамытуға және халықтың белсенді әрі пайдалы демалысына жағдай жасауға бағытталған.
Саябақ аумағында абаттандыру және көгалдандыру жұмыстары жүргізілді. Мұнда қылқан жапырақты және сәндік ағаштар отырғызылып, гүлзарлар мен демалыс аймақтары жасақталды. Келушілер үшін волейбол және баскетбол алаңдары, воркаут аймағы, шахмат ойнауға арналған алаң, балалар ойын кешені және субұрқақ орнатылған.
Саябақтың ашылуы ауыл тұрғындары үшін маңызды оқиға болды. «Жастар» саябағы жастар мен отбасылардың демалысы, бос уақытын өткізу және қарым-қатынас орнына айналады деп күтілуде. Сонымен қатар, ол елді мекеннің көркін жақсартуға үлес қосады.