В Атырау -6 
«Атырау – Алматы» бағыты бойынша қосымша №41/42 жолаушылар пойызы іске қосылды.
Бұл туралы Өңірлік коммуникациялар қызметі «Жолаушылар тасымалы» АҚ-ның баспасөз қызметіне сілтеме жасай отырып, хабарлады.
Компанияның мәліметінше, осыған дейін Алматы қаласына 41/42 «Тальго» және 29/30 нөмірлі Атырау – Шымкент бағытындағы пойыз күн ара қатынаған болатын. Қазір аталған пойыздардың қозғалысы тоқтатылып, олардың орнына 41/42 нөмірлі Атырау-Алматы пойызы стандартты вагондармен күн сайын жолаушы тасымалдайды.
Жаңа пойыз күнделікті қозғалыс кестесіне енгізілді. Жол жүру уақыты — 52 сағат 15 минут. Құрамында шамамен 15 жаңартылған купе және плацкарт вагон бар. Теміржол көлігі бір рейс барысында 700-ге жуық жолаушыны тасымалдауға қауқарлы.
«Жолаушылар тасымалы» АҚ бұл өзгерістер жолаушыларға көрсетілетін қызметтің қолжетімділігін арттыру және тасымалды оңтайландыру мақсатында енгізілгенін жеткізді.