В Атырау -6 
Атырауда "Сарайшық" базарында 15 және 30 желтоқсанда "Жеңілдік түні" акциясы тағы да өтеді.
Іс-шара Тәуелсіздік күні және Жаңа жыл мерекесіне орайластырылған, деп хабарлады қала әкімінің орынбасары Мейіржан Мұқасов.
Оның айтуынша, жәрмеңкеде тек қаланың ғана емес, облыстағы барлық ауданның шаруа қожалықтарының өнімдері ұсынылады. Тұрғындар азық-түлік пен күнделікті тұтыну тауарларын жеңілдетілген және қолжетімді бағамен сатып ала алады.
"Акцияның басты мақсаты - тиімді сауда үшін жағдай жасау және халыққа әлеуметтік қолдау көрсету", - деп атап өтті Мұқасов.
Ол жәрмеңкенің отандық тауар өнімдерін жетілдіруге және жергілікті кәсіпкерлерді қолдауға бағытталғанын қосты.
Бүгін, 16:39