В Атырау +4 
Жылыой аудандық полиция бөлімі Құлсары қаласының 15 жастағы тұрғыны Жұлдызай Мұсағалиеваның табылғанын хабарлады.
Полицияның баспасөз қызметінің мәліметінше, Жылыой ауданы мен Ақтөбе облысының тәртіп сақшылары бірлесіп жүргізген жедел-іздестіру шаралары нәтижесінде жасөспірім Ақтөбе қаласынан анықталған.
«Қазіргі уақытта кәмелетке толмаған азаматшаның өмірі мен денсаулығына ешқандай қауіп төніп тұрған жоқ. Аталған факт бойынша қажетті тексеру жүргізілуде», — деп нақтылады полиция өкілдері.
Құқық қорғау органдары іздеу жұмыстарына көмектескен барлық азаматтарға алғыс білдіріп, ата-аналарды балалардың қауіпсіздігіне ерекше көңіл бөлуге және олардың қайда жүргенін бақылауға шақырды.
Еске салайық, жасөспірім 24 қазан күні сағат 22:00 шамасында үйден шығып кеткен. Алдымен Құлсарыдан Атырауға, кейін Ақтөбеге жол тартқан.
7 қараша, 14:56