Әкімдіктерге байланыс жоқ жерді анықтап, базалық стансалар орнатуға орын бөлу​ тапсырылды

Премьер-министр Олжас Бектенов байланыс пен интернет сапасы төмен аймақтардың мәселесін біржола шешу үшін өңір әкімдіктеріне байланыс операторларына базалық стансалар орнатуға орын бөлуге, соның ішінде кез келген қолайлы нысандарда орналастыруға жәрдемдесуді тапсырды.

Үкімет отырысында ол жергілікті әкімдіктер кез келген қолайлы нысандарда базалық стансалар орнатуға орын бөлуі тиіс екенін атап өтті. 

Міндет - елді мекендерді қамтуды жеделдету және байланыс картасындағы "ақ дақтарды" жабу. Әкімдіктерге жедел түрде алаңдар бойынша келісіп, жобаларды жергілікті жерлерде сүйемелдеу тапсырылды.