БЖЗҚ: 10% зейнетақы жарнасы лайықты зейнетақыға жеткіліксіз

Бірыңғай жинақтаушы зейнетақы қорының (БЖЗҚ) есебінде көрсетілгендей, қазіргі 10% мөлшеріндегі зейнетақы жарнасы ұзақ жылдар бойы жүйеге қатысқан жағдайда да жеткілікті деңгейдегі зейнетақы табысын қамтамасыз ете алмайды, деп хабарлайды Nege.Aqsha.

Есептеулерге сәйкес, соңғы жалақының кемінде 30%-ына тең зейнетақы табысын алу үшін келесі шарттар қажет:

• 40 жыл бойы табыстың 13%-ын аудару;
• 30 жыл бойы 18% жарна аудару.

Ал егер азаматтың жинақтау жүйесіне қатысу өтілі 20 жылмен шектелсе, дәл сол деңгейге жету үшін 29,2% жарна аудару қажет болады — бұл қазіргі нормадан шамамен үш есе жоғары.

БЖЗҚ сарапшыларының пікірінше, қазіргі 10% мөлшерлеме тіпті ұзақ мерзімде де мақсатты көрсеткіштерге жеткізбейді. Сондықтан жинақтаушы зейнетақы жүйесінің параметрлерін қайта қарау қажеттілігі туындап отыр.