​Тоқаев бірқатар елшіні тағайындады

Мемлекет басшысының жарлықтарымен бүгін бірнеше елге елші тағайындалды. Бұл туралы Ақорда хабарлады. 

Қазақстан Республикасының Словения Республикасындағы Төтенше және Өкілетті Елшісі лауазымына Алтай Әбибуллаев тағайындалды;

Қазақстан Республикасының Хорватия Республикасындағы Төтенше және Өкілетті Елшісі Дәулет Батырашев ҚР Босния және Герцеговинадағы, Черногориядағы Төтенше және Өкілетті Елшісі қызметін қоса атқарушы лауазымына тағайындалды;

Қазақстан Республикасының Алжир Халық Демократиялық Республикасындағы Төтенше және Өкілетті Елшісі Әнуарбек Ахметов ҚР Тунис Республикасындағы Төтенше және Өкілетті Елшісі қызметін қоса атқарушы болып тағайындалды.