Иран мен Израиль бітімге қатысты пікір білдіруден бас тартты

Иран мен Израильдің ресми өкілдері АҚШ президенті Дональд Трамп жариялаған атысты тоқтату жөніндегі келісімге байланысты түсініктеме беруден бас тартты.

Израиль армиясының өкілі «Анадолу» агенттігі тілшісінің бітім жөніндегі сауалдарына жауап бермеді. Ал Иран Сыртқы істер министрлігінің өкілдері агенттік сұранысына: «Біз жағдайды бақылап отырмыз. Қорытындылар кейінірек жарияланады», — деп жауап қатты.

Бұған дейін АҚШ президенті Дональд Трамп Израиль мен Иран арасында «толық әрі түпкілікті атысты тоқтату» келісіміне қол жеткізілгенін мәлімдеген еді.