Атырау, 29 қараша 09:21
 ашық В Атырау +2
$ 423.87
€ 505.25
₽ 5.59

Виталий Кличко Украина президенттігіне сайлауға түспекші

971 рет қаралды
АСТАНА. 22 тамыз. ҚазАқпарат - Әйгілі боксшы, "УДАР" партиясының көшбасшысы Виталий Кличко 2015 жылғы президенттік сайлауға қатысқалы жатыр деген қауесетті растады.

Бұл туралы Львовта ашылған Бүкіләлемдік конгресте спортшының сөйлеген сөзіне сілтеме жасап утро. ру хабарлайды.

«Түпкілікті шешім қабылдамас бұрын мен әуелі қоғаммен ақылдасып алуым керек», - деді Кличко.

«2015 жылдан кейін Ураинаның жаңа тарихы басталуы тиіс. Оның жүгі ауыр екенін білемін, жауапкершілігін де түсінемін. Сондықтан президенттіке сайлану мүмкіндігін қарастырып жатырмын», - деп атап өтті партия көшбасшысы. Оның сөзінше, мемлекет басшылығына сайлауға түсуге оппозициядан біреу баруы керек. «Бірақ кім баратынын, оны қоғамдық ұйымдар шешеді», - деді спортшының сөзіне сілтеме жасап ИТАР - ТАСС.

Виталий Кличко - Бүкіләлемдік бокс қауымдастығының (WBC) нұсқасы бойынша ауыр салмақтағы әлем чемпионы.

Дереккөз: inform.kz

22 тамыз 2013, 11:17

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.