Aljazeera America телеарнасы ашылды

Aljazeera телекомпаниясы АҚШ-та жаңалықтар таратын арнасын іске қосты.

Штаб пәтері Катарда орналасқан компания хабар таратуын басқа америкалық телеарналарға қатысты сын айтылған бір сағаттық бейне материалдан бастаған. Онда штат тұрғындарының елдегі телеарналардың шынайы ақпарат бермейтіндігі туралы наразылықтары айтылған. Ал Aljazeera America арнасының жүргізушілері шынайы ақпаратты жеткізетіндігін айтқан. Жалпы 24 сағат бойы жұмыс істейтін аталған арна ақпараттардан бөлек экономикалық және деректі бағдарламаларды көрсетеді. Aljazeera America жарнама үшін бір сағаттың 6 минутын ғана бөліп отыр.

Дереккөз: 24.kz