Достық қарым-қатынас: Тәжікстан, Қырғызстан және Өзбекстан мемлекеттік шекара туралы келісімге қол қойды

Бүгін Худжанд қаласында Өзбекстан мен Тәжікстанның Сыртқы істер министрлері екі ел арасындағы одақтастық қарым-қатынасты ратификациялайтын құжатқа қол қойды, деп хабарлайды Kazinform агенттігінің меншікті тілшісі.

Қол қою рәсімі Өзбекстан, Тәжікстан және Қырғызстан президенттерінің алғашқы саммиті аясында өтті. Осылайша, осыдан бір жыл бұрын мемлекет басышылары деңгейінде мақұлданған құжат ресми күшіне енді.

Сонымен қатар, сапар барысында Шавкат Мирзиёев пен Эмомали Рахмон шағын құрамда келіссөз жүргізді. Онда тараптар екі ел арасындағы байланыстарды тереңдету мүмкіндіктерін талқылады. Кездесуде мәлім болғандай, былтыр ресми Ташкент пен Душанбе 700 млн долларға сауда-саттық жасаған.

Бұған қоса, президенттер таяуда Өзбекстанда өтетін «Орталық Азия – Еуроодақ» саммитіне, Орталық Азия елдері мемлекет басшыларының жетінші Консультативтік кездесуіне дайындық барысын пысықтады.