Amanat партиясы төрағасы орынбасарының атыраулықтармен кездесуі қалай өтті

Атырауда әуежайға асыққан Amanat партиясы республикалық қоғамдық қабылдау бөлмесі меңгерушісінің орынбасары Ермұханбет Жұмабекке қатысты оқиға қызу талқыға түсіп, жұртшылық арасында реніш туғызған еді.

Астанадағы партия бас кеңсесі өкілінің залдан асығыс шығып кеткен видеосы әлеуметтік желіге тарап, төраға орынбасарының ғана емес, бүкіл партияның беделіне нұқсан келтірді. Дегенмен, жоба бойынша ол қала тұрғындарына бірнеше сағат ішінде заңгерлік көмек көрсету керек еді.

Белгілі болғандай, өңірлік филиал бұған дейін де кез келген адам өз сауалын қоя алатын жоба басталғанын хабарлаған болатын.

Жұртшылықтың айтуынша, Е.Жұмабек егде әйелмен ғана сөйлескен, сауалын қоймақ болған басқалар елеусіз қалған: сағат 12:25 минутта Астанаға ұшатын рейс жоспарланған шарадан маңыздырақ болған шығар, шараның басталғанына жарты сағат өткен соң ол залдан шығып кеткен көрінеді.

Тұрғынның билетін кешкі рейске ауыстырып, қалуын өтінгеніне қарамастан, шенеунік кетіп қалған. Әсіресе, оның журналистерге заңгерлік кеңес беру жобасы туралы, сондай-ақ партияның небәрі бір жылдың ішінде қанша адамды қабылдағанын, қанша мәселесінің шешімін тапқанын тілге тиек еткені қызықты жайт.

Айта кетейік, бір күн бұрын Жұмабек Индер ауданында азаматтарды қабылдап, заңгерлік көмек көрсеткен. Немесе көрсетпеді.  Атыраулықтарға осындай немқұрайлы көзқарас болғандықтан, Индер мен Бөденде қаншалықты сапалы әрі жылдам кеңес берілгеніне күмән бар. «Аманат» облыстық партиясының ресми парақшасында келгендердің барлығына заң аясында көмек көрсетілгені хабарланған.

Сапалы пиардың және қандай жағдайда да қалаған имиджді жасай алатын операторлардың жұмысы қаншалықты маңызды екенін видеодан қараңыз.

Анастасия ШЕРСТЯНКИНА 

Әлеуметтік желіден алынған видео