В Атырау
+15 
Атырау облыстық филиалының инженерлері өткен жылы республикалық маңызы бар автомобиль жолдарының күтіп ұстау кезеңіндегі 505,51 шақырым, кепілдік мерзімі бітпеген автомобиль жолдарында 232 шақырым жолды диагностикадан өткізді.
Филиалдың мемлекеттік есеп инженері Мерей Телеугалиевтің айтуынша, биыл да кепілдік мерзімі бітпеген - 248 шақырым және күтіп ұстау нысандары бойынша 449,8 шақырым республикалық маңызы бар автомобиль жолдарында диагностика жұмыстары жасалады.
"Диагностика кезінде жол жабындысының беріктігі, тегістігі, геометриялық жағдайы тексеріледі, ілінісу коэффициенті мен көлік қарқындылығы және жолдағы сызаттар анықталады. Сонымен қатар, автомобиль жолдарына талдау жасау, жөндеу жұмыстарын уақытылы ұйымдастыру, күтіп ұстау, жөндеумен айналысатын ұйымдарды оңтайлы қаржыландыру, және жол құрылысының жай-күйін бағалау үшін жасалады, - дейді филиал мемлекеттік есеп инженері Мерей Телеуғалиев.
Диагностикадан өткен жолдар туралы ақпарат ҚР Көлік министрлігі Автокөлік жолдары комитетіне жіберіледі. Нәтижесінде жолдардың қажеттіліктері ескеріліп, жөндеуге, қайта жаңғыртуға қажетті қаражат бюджеттен тиімді бөлінеді.
Мәселен, өткен жылы республикалық Kaz-12 "Атырау-Орал" автомобиль жолының 5-189 шақырымы аралығына диагностика жасалды. Биыл аталған жолдың 100 шақырымында орташа жөндеу жұмыстары басталады. Екі жыл жасалатын орташа жөндеу жұмыстары кезінде әбден тозығы жеткен жол жабындысы фрезамен қырылып, екі қабат асфальтобетон жабындысы төселу, Республикалық маңызы бар тас жол бойына демалыс алаңдары орнатылады. Таңдай елді мекені маңындағы бұрылыс кеңейтілу және Махамбет елді мекені тұсына жарық шамдары орнатылу жоспарлануда.
Ләззат ҚАРАЖАНОВА