Чехияда техногендік апатқа байланысты төтенше жағдай жарияланды

Чехияның шығысындағы Оломоуц өлкесінде 28 ақпанда орын алған ірі апаттан кейін төтенше жағдай жарияланды, деп хабарлайды grani.lv.

Хустопеце станциясында жүк пойызы рельстен шығып, 17 вагон өртенген. Бұл вагондарда 1 000 тоннадан астам бензол болған, оның шамамен 350 тоннасы экожүйеге зиян келтіріп, көл мен жер асты суларына төгілген.

Төтенше жағдай жергілікті билікке апат салдарын тез арада жоюға мүмкіндік береді. Қазіргі уақытта бензолды судан тазарту жұмыстары жүргізілуде. Алдын ала болжам бойынша, келтірілген зиянның көлемі 40 миллион еуродан асуы мүмкін. Төтенше жағдай режимі 27 сәуірге дейін әрекет етеді.