В Атырау
+1 
8 қаңтарда әлеуметтік желілерде Атырау облысы бойынша Мемлекеттік кірістер департаментінің басшысы Айдын САУДАНБЕКОВКЕ тиесілі делінген көліктің қатысуымен болған жол-көлік оқиғасының видеосы пайда болды.
Облыстық полиция департаментінің баспасөз қызметі бұл оқиға 2024 жылдың 12 қыркүйегінде сағат 18:10 шамасында С.Бейбарыс даңғылында болған деп жауап берді. Қызметтік көлік шынымен де облыстық МКД бастығы А.Сауданбековке бекітілген.
Полицияның мәліметінше, Toyota Camry көлігінің жүргізушісі - 35 жастағы ер адам солға бұрылған кезде қарсы бағытта келе жатқан 33 жастағы ер адам басқарған Honda мотоциклімен соқтығысқан. Мотоцикл жүргізушісі дене жарақатының және мүліктік залалдың болмауына байланысты сот-медициналық сараптамадан және шағым түсіруден бас тартқан.
Аталған факті бойынша қажетті материалдар жинақталып, Camry жүргізушісіне қатысты ҚР ӘҚБтК-нің 595-бабының 1-бөлігі бойынша әкімшілік хаттама толтырылды. Бұл бап бойынша 5 АЕК көлемінде айыппұл қарастырылған.
Дайындаған Айнұр САПАРОВА