АМӨЗ алауларынан шыққан «бұлттар» судың буы болып шықты

Атырау тұрғындары таңертең АМӨЗ алауларының үстінде пайда болған түтін будағына назар аударып, бұл құбылысқа алаңдаушылық білдірді. Әлеуметтік желілерде қолданушылар алып ақ «бұлттардың» суреттерін бөлісуде.

Атырау мұнай өңдеу зауытының баспасөз қызметі суреттерде Belco секциясының скрубберінен шыққан су буы екенін түсіндірді. Бұл бу каталитикалық крекинг қондырғысындағы түтін газдарын ластаушы заттардан тазартады. Зауыт өкілдерінің айтуынша, бұл «бұлт» тұрғындардың денсаулығына немесе қоршаған ортаға кері әсерін тигізбейді.

Атырау мұнай өңдеу зауыты штаттық режимде жұмыс істеп жатыр, деп хабарлады Атырау мұнай өңдеу зауытының баспасөз қызметі.

Дайындаған Айнұр САПАРОВА