"Шректегі" есектің прототипі өлді

АҚШ-та «Шрек» мультфильміндегі кейіпкердің прототипіне айналған есек Перри өлді, деп хабарлайды Ақ Жайық басылымы Lenta.ru-ға сілтеме жасап.

АҚШ-та «Шрек» мультсериалындағы кейіпкердің прототипіне айналған 30 жастағы есек Перри өлді. Бұл туралы Barron Park Donkey Project ұйымы Instagram әлеуметтік желісінде хабарлады.

Жануардың 2 қаңтарда аурудан соң өлгені айтылады. «Өзінің ұзақ өмірінде Перри «Шрек» фильміне Есек кейіпкерінің үлгісі ретінде қосқан үлесі арқылы (...) Barron Park қауымының және басқалардың жүрегін жаулап алды», - делінген хабарламада.

Сөйлейтін Есек - жасыл алып Шректің досы, аттас франшизаның басты кейіпкері. Бірінші бөлімі 2001 жылы шықты, мультфильм дүниежүзілік прокатта 487 миллион доллар жинады.